Потрага по скриеното богатство – психо-социјална програма за поддршка на децата бегалци од Косово

Опис на проектот:

Потрага по скриеното богатство” е програма за психо-социјална поддршка на децата кои имаат потреба од внатрешен или надворешен столб на потпирање, во услови кога вообичаените столбови на нивното живеење се нестабилни, загрозени, па дури и срушени.  
Оваа програма има за цел да ги зајакне и збогати столбовите на поддршка преку јакнење на самодовербата, поттикнување на соработка, развивање на креативност  и препознавање, изразување и прифаќање на емоциите, кај децата бегалци од Косово и нивните соученици во училиштата во Македонија, каде децата бегалци престојуваат и учат за време на оружениот конфликт во Косово

Оваа програма се стреми и кон востановување на вообичаен тек на социјалниот живот на децата бегалци и нивна побрза социјализација надвор од училиштето, преку овозможување на прошетки, посети, излети и екскурзии во и надвор од градот.

Програмата се состои од две посебни групи активности:

1. Креативно-психолошки работилници
2. Социјални активности